“McDonalds”ın “Happy Meal”i altı aydan sonra belə xarab olmur

“Makdonaldz”dan alındığı gün normal olaraq təzə görsənən “Happy Meal” menyusundan olan bu qidanı altı ay müddətində incələyirik.

İlin yarısı müddətində Selli Devis adlı şəxs tərəfindən hər gün fotosu çəkilən uşaqların bu sevimli yeməyində fray və burgerin necə dəyişdiyini incələyib. Bununla da o, qəbul etdiyimiz fast-fud qidalarının insan bədəni üçün nə dərəcədə ziyanlı olduğunu göstərməyə çalışıb.

Təzə: Bu “həppi mil”in alındığı gündür və təbii ki, normal olaraq təzə görsənir.

Dadlı: Bir az quru görsənməsinə baxmayaraq, çörəyin üzərində kif göbələyinə aid heç nə – xarab olduğuna dair heç bir əlamət yoxdur.

Evdə bir rəfə qoyaraq hər gün “həppi mil”ə tamaşa edən Selli şok içindədir. Maraq üçün itlərinə uzatdığı bu yemək o qədər dadlı görsənirdi ki, hətta itləri belə onu yemək istəyirdilər.

Təcrübə aparmaq fikri ilə yeməyi aprelin 10-da aldığını və evə gətirdikdən sonra necə xarab olduğunu müşahidə etmək istədiyini deyən Sellinin sözlərinə görə, onun “Makdonaldz”ı seçməyinin əsas səbəbi məhz evinə yaxın olması idi, yoxsa bu təcrübəsi üçün ona Nyu-Yorkda yerləşən digər fastfudlardan da ala bilərdi, yəni özəl bir fərqi yox idi.

Maraqlısı isə o idi ki, təcrübənin ikinci günündə yeməkdən artıq heç bir qoxu gəlmirdi. Nə ilk təravətli qoxusu, nə də ki, xarab olan ərzaq qoxusu. İtlər belə rəfin ətrafında yeməyin qoxusunu hiss etmirdilər deyə dövrə vurmağı dayandırmışdılar.

Fastfud: Təcrübədən 4 ay keçib, lakin hələ də nə kartofda, nə də ki, ətdə dəyişiklik yoxdur, yalnız ətin rəngi çörəkdə zolaq əmələ gətirib və heç də təbii halından çox fərqlənmir.

Beləliklə:

Narahatçılığa səbəb: 3 ay ərzində ənənəvi olaraq bu cür qida məhsulunun tamamilə xarab olduğunu gördüyümüz təqdirdə, elə bir dəyişikliyin fərqinə vara bilmirik.

Adətən, ət istisna olmaqla, çörəyin və kartofun normalda bir neçə gün sonra kifləndiyini görməyə öyrəşən Devis şok içində qabda olanlara baxır. Nə kartofda, nə də ki, çörəkdə düz 2 həftə keçməsinə baxmayaraq, heç bir kiflənmə, heç bir fərqlilik yoxdur.

Bundan sonra aldığı yeməkdə nəsə bir problem olduğunu düşünən Devisin sözlərinə görə, fraylar zamanla nisbətən büzüşməyə başlasa da, ətin özündə heç bir dəyişiklik olmur, əvvəlki kimi təzə görsənir. Bu müddət ərzində isə həftələr artıq aylarla əvəz olmuşdu. Və altı ayın sonunda yeganə dəyişiklik ətin və çörəyin tamamilə bərkiyərək daş kimi olması idi.

Daha sonra isə, rəfdən götürdüyü bu yeməyi itlərinə uzatsa belə onlar bunu yemədilər.

Onu da deyim ki, təcrübəni aparan qadının özü veqandır və sırf maraq üçün fastfudda satılan bu yeməyi alıb:

“Mən burada həqiqətən, heç bir qorxulu nəsə görmədim, çünki adi maraq üçün bunu etmişdim. Həmçinin, qorxmaq üçün bir səbəbim də yoxdur, səbəb isə o zaman olardı ki, mən ətyeyən olardım. Nə üçün ətin olduğu çörəkdə kif göbələyi olmadı? Çünki, normal yolla hazırlanmır. Çörəkdə biodegredasiyanın nə üçün getmədiyini soruşduqda isə, Makdonaldzın nümayəndəsi Danya Pround bu çörəyin hazırlanmasında qeyri-adi heç nə olmadığını, sadəcə, qeyri-ənənəvi yolla hazırlandığını dedi”.

Belə. Sonda həmin yeməyi Bruzo adlı nənəsi götürərək daha bir ilin tamamı üçün necə dəyişəcəyini müşahidə etmək üçün saxladı.

Hörmətli oxuyucular, bu yazını sizlərlə paylaşmağıma səbəb yediyiniz qidaya diqqət yetirməyinizi istəməyimdir. Bu cür fastfudlar insanları nəinki şişmanlığa, həm də bədənində bioloji proseslərin pozulmasına da səbəb olur. Bundan bir müddət öncəki yazımda sizlərə “Makdonaldz”ın və ümumilikdə fastfudların necə ziyanlı olmaqlarına dair araşdırmamı təqdim etmişdim. Bütün bunları görərək hələ də imperialist bir ölkənin dünyadakı insanların sağlamlığına necə zərər vurduğunu gördüyünüz halda, elə məhz özünüz də bu məhsullardan qəbul edirsinizsə, o zaman sağlamlığınızın dəyərini bilmədiyiniz anlamına gəlir. Gəlin, sağlam yaşamağa ən azından cəhd edək!

Sonda isə bu yazıyla bağlı ingilis dilində bir müsahibə yerləşdirmək istəyirəm, maraqlananlar izləyə bilərlər: